TÂCHES
Neste ano imos traballar, como xa
dixen na publicación anterior, co CECRL a través das tâches ,tarefas, xa que as aconsella para traballar as competencias
que os nenos deben acadar ó longo do curso. Nesta publicación xunto os
comentarios de todas as tarefas que fun realizando porque, aínda que non é unha
unidade didáctica, penso que así pódevos axudar a velas nunha globalidade.
O nivel de lingua que corresponde
para a Educación Infantil é de A1.1. Trátase dunha iniciación e unha
aproximación á lingua estranxeira, polo que as tarefas son moi sinxeliñas pero
non por iso menos importantes, xa que é nesta etapa cando os cativos teñen
maior flexibilidade para aprender linguas novas. Por suposto, é importantísimo
que adaptemos o noso vocabulario ó nivel dos nenos e que utilicemos unha
metodoloxía, para o meu ver, case de inmersión lingüística, sempre centrada nos
nenos para facilitarlles un aprendizaxe significativo.
Antes de proseguir quería
explicar que falarei en feminino xa que somos a maioría rapazas na clase. Ben,
o mestre comentounos que imos ser nós mesmas as que avaliemos as tarefas das
compañeiras, penso que vai ser moi difícil que non haxa problemas á hora de ver
os resultados, ou sexa, as notas, aínda que o mestre facilítanos unha rúbrica
de avaliación, tanto de autoavaliación como de avaliación das tarefas, para
guiarnos á hora de facer unha avaliación xusta.
As dúas primeiras tarefas son de planificación, xa que temos que
escoller uns obxectivos, uns contidos e unhas capacidades que teremos que
traballar nas tarefas seguintes. Tamén fixemos unha descrición da nosa
hipotética clase para poder adaptar mellor as nosas tarefas, xa que fixemos
unha simulación do que podería ser unha avaliación inicial dos nenos e das súas
familias. Facer unha avaliación inicial paréceme moi importante, posto que como
mestras temos que saber as características do noso alumnado para facer as
adaptacións necesarias ás súas necesidades, e tamén para ter un primeiro
contacto coas familias. Na tarefa dous, escollín obxectivos de diferentes áreas
porque considero que é beneficioso para o proceso de aprendizaxe dos nenos aprender unha lingua estranxeira a través do
coñecemento do seu corpo, xa que é o que teñen máis próximo a eles e o que
coñecen mellor.
Comezamos có serio. Nas horas A e
C o mestre explícanos cómo elaborar as nosas tâches. Temos que crear 4 tarefas nas que traballar as 5
capacidades que recolle o CECRL do nivel A1.1, que son: écouter, parler, discuter, lire e écrire. Traballaremos estas capacidades mediante actividades de
comprensión oral e escrita, e actividades de produción oral e escrita.
O mestre deunos varios exemplos
de actividades e recursos para que nos fixeramos unha idea do que podemos facer,
por exemplo, para as actividades de comprensión ensinounos uns vídeos dos
debuxos animados “TRO-TRO”, e tamén fixo un exemplo de canción para a
actividade de produción oral.
Para a realización das
actividades temos que ter en conta os coñecementos previos que teñen os nenos e
as súas experiencias, e por suposto adaptalas ó seu nivel.
Eu escollín para traballar a comprensión oral un vídeo de internet
das partes do corpo que adaptei, pero temos que ter coidado co material de internet, xa que
non todos serven, a velocidade da pronuncia dos enunciados, as pausas e o nivel
de dificultade do contido do vídeo son moi importantes para que o alumnado os
comprenda. Tamén é interesante que realicemos unha actividade de pré-écoute para introducir ó noso
alumnado á actividade de comprensión oral. Como actividade de comprensión escrita utilicei unhas
imaxes dos debuxos animados de Dora a Exploradora, xa que aínda non saben ler e
aproveitando que son os favoritos da miña clase. Penso que para traballar a
comprensión escrita os símbolos ou imaxes axudan ós nenos a comprender mellor,
pero teñen que ser claros para non confundilos.
Nas seguintes clases seguimos vendo
prezis onde o mestre explícanos con detalle cómo elaborar as nosas tarefas de
produción oral e escrita. Facilítanos algúns recursos para elaborar as actividades, xa que crear os teus propios
materiais facilita a adaptación ás necesidades e ó nivel do alumnado.
Como actividade de produción oral pareceume divertido que
os nenos coñecesen un xogo de mans cunha canción faciliña en francés, penso que
o nivel está adaptado e que non lle suporá maior complicación. Coma sempre a
mestra deberá axudarlles na pronuncia e tamén nas dificultades que atopen os
nenos. Coa actividade de produción
escrita tiven algunhas dúbidas á hora de escoller cál podería ser á máis
adecuada, pero ó final decanteime por unha actividade de unir puntos e de
realización dun debuxo. Con isto pretendo que os cativos comecen a controlar a
motricidade fina, para que nun futuro poidan realizar os trazos das letras
perfectamente.
A última tâche subireina noutra publicación, xa que trátase dunha actividade
de avaliación e gustaríame presentarvos algúns dos recursos que vimos na clase
para avaliar os traballos dos nosos nenos e nenas e que podades escoller o que
mellor se compaxine coa vosa metodoloxía.

No hay comentarios:
Publicar un comentario